![](https://blogger.googleusercontent.com/img/b/R29vZ2xl/AVvXsEhG6li-wrtASpCMQQTo01oY8J2fzMgnkDE6oOLSKqynHe47GsbBAGL8IWv0xd3isfKwBeNBF7wEBbgkkrB25FTjw8RPxsDvho5y0FSFxdrQ3Wkkw36ndbcgMZe4yQ5MrMhST9Ky36I_9izx/s200/plan-bolonia3.jpg)
Durante os últimos meses estivemos a asistir a toda unha xeira de protestas e folgas estudantís, pechamentos de estudantes nas diferentes universidades do noso país, bombardeos de propaganda, declaracións e novas nos medios, sobre un tema que á mocidade nos afecta especialmente: a educación universitaria e, en concreto o Plan Boloña.
Co gallo do chamado Proceso de Boloña e da implantación do novo Espazo Europeo de Educación Superior (EEES), GZ Nova As Pontes vai organizar unha Charla - Debate na Aula Polivalente da Casa Dopeso vindeiro día 29 deste mes ás 20.00 do serán. O obxectivo desta Charla - Debate é achegar aos ponteses e pontesas, e moi especialmente á xente nova, un pouco máis de información sobre o asunto tratado.
Para iso contamos con tres convidados:
- Marcos Loureiro, Responsábel Nacional dos Comités Abertos, sindicato estudantil nacionalista.
- Elena Sierra, Vicerreitora de Calidade e Novas Tecnoloxías da UdC.
- Xulio Ferreiro, Responsábel nacional de Universidade da CIG Ensino e profesor na Facultade de Dereito da UdC.
Ficas convidad@!